مشترياتي من الصيدلية الفرنسية ( HAUL COCOONCENTER )

مرحبا من جديد ( :


أكيد الأغلب سمع عن الصيدليات الأجنبيه من قريب سواء الفرنسية أو البرتغالية
أو الاسترالية وغيرها ... 

ومثل ماهو مذكور بالعنوان الموقع الي راح اتكلم عنه اليوم (الصيدلية الفرنسية )
موقع يجمع لك المتعارف علية من منتجات عنايه واجهزه وغيره كمثال بسيط : بيودرما . فيتشي .نوكس .يورياج .آفين .ليراك . لارش بوساي .يوسرين .مافالا .كودالي .نيتروجينا .فلوريجنا <<وضروري تشوفو اسعار الماركه الاخيره ):
راح اعد واغلط من كثرها بس ذكرت المتعارف عليه وفيه غيرها الكثير بالاضافه الى الكماليات من اجهزة مثل بروان .اورل بي .شول


والأكيد عرفتو ليش الكل بدأ يتجه لهم في شراء المنتجات ...الي ماخذت نظره للأن انصحها تمرهم سررريع تاخذ جوله خفيفة تنصدم شوي من سعر المنتجات مقارنه بالصيدلية هنا ...؟ فوق السعر الحلو عندهم من فتره لفتره عروض تبدء من 10% 15% و20% وتشمل كذا ماركه حاقه ماحصلتش 


قبل نبدأ بعرض المشتريات هذا تقريرعن طريقه الطلب من الموقع بالخطوات التفصيليه شرح وافي ومبسط من مدونه العسل هناء
اضغطو هنا 
الرابط

....

ملاحظة بسيطة بخصوص الشحن ..في الصيدلية الفرنسية الشحن يعتمد على الوزن كل مازدات كمية مشترياتك وخصوصا" لو فيها احجام كبيره وسوائل زدات عليك قيمه الشحن والعكس كذلك ..لو تلاحظو بالصوره كذا منتج سائل له شوية وزن ..كان خيار الشحن المتاح اما عن طريق البريد الوطني (السعودي) او شركه الشحن dhl
كانت قيمه شحن هالطلبية بالبريد 130 ريال وdhl تقريبا"300 وعليها
طبعا" اخترت البريد لان السعر الثاني مبالغ فيها والهدف من الشراء الألكتروني التوفيير 
تم تحديد وقت الوصول للطلبيه بعد 7 أيام وفعلا" اسبوع واحد واتصلو علي البريد لااستلام الشحنة وهذي اول تجربة لي بالشحن الدولي للبريد خدمة ممتازة وسريعه

من يوسيرين Eucerin

أحب منتجات هالماركة كثيير آمنة ولطيفة تناسب بشرتي متقلبة المزاج ):
اغلب المنتجات من مجموعه الهيالورونيك فيلر ينصح فيها للبشرات الجافه تعطي ترطيب تقلل من ظهور الخطوط الدقيقة بالبشره وتعطي امتلاء لها بسيط .

مثل ماتعودتو انزل لكم اسم المنتج والرابط الي ينقلكم للصفحة بالموقع تلقائى 
من اليمين ..

انبولات سيروم الهيالورونيك فيلر <عناية مركزه مكثفة 
الرابط 

كريم مرطب لمنطقة حول للعين يحتوي على اليوريا والهيالورونيك <يقلل من الهالات والخطوط الدقيقة
الرابط 

مرطب شفاه
الرابط

سي سي كريم مصصخ فوري للون البشره بدرجه لايت (فاتح)<مثل البي بي كريم 
بس اخف *_^
الرابط 

كريم العين المضاد للتجاعيد بعامل حمايه من الشمس 15 spf<<صمم خصيصا" لخطوط العين المسماة رجل الغراب <يحد من عمقها والشيخوخة المبكره
الرابط

كريم النهار للبشره الجافة بعامل حمايه من الشمس 15 spf
الرابط 

كريم الليل 
الرابط 

كريم مرطب للأيدي سبق وتكلمت عنه في الانستقرام بشكل مفصل خذو طلة على البوست هناك ( :  ممتاز واكرر شرائه على طوووول  
الرابط

زيت مرطب للوجه من اهم مكوناته زيت الارغان والتين الشوكي وفيتامين E
 الرابط



من نوكس NUXE

الأغلب من مجموعه Rrve de miel تناسب جميع البشرات وممتازة للبشرات الجافه والحساسة تغذي وتهدئ البشره ..من اليمين 

غسول للوجة للبشره الجافة والحساسة بالعسل وزيت دوار الشمس 
الرابط

مرطب شفاه المغذي بالعسل <هذا النوع تحت مسمى سوبر يختلف عن الاصدار الاول من هالمجموعه ولانة جربت الاول وكثير حبيته ماترددت اطلب الجديد
الرابط

مقشر الجسم بالسكر والعسل 
الرابط 

الزيت الجاف متعدد الأستخدام <للعناية بالجسم والوجة والشعر
الرابط 

من يورياج URIAGE 

المجموعه الوردية من يورياج <روزيليان وهي مخصصة للبشرات الحساسة  المعرضة للأحمرار من اليمين ...

كريم مهدئ ومرطب للبشره 
الرابط

منظف البشره ومزيل مكياج 
الرابط 

للنظافه والعناية الخاصة بالجسم
بخاخ منظف وملطف للمنطقة الحميمة خالي من الصابون 
الرابط

شوية منوعاات 

شامبوا كلوريان معزز بفيتامين ب لتقويه الشعر والتقليل من التساقط
الرابط 

قطرات مرطبة للعين بحمض الهيالورونيك 0.2% لترطيب العين الجافة مناسبة حتى بعد ارتداء العدسات
الرابط 

كريم عناية للأيدي مرطب ومفتح للبقع والأسمرار
الرابط 


العناية بالأظافر

مزيل مناكير بالصبار والكيرايتين <يزيل بسهوله ولايضعف الاظافر
الرابط

مورد خفيف ذو لون طبيعي للأظافر 
الرابط 

مبيض للأظافر المعرضة للاصفرار يقويها ويعزز نموها 
الرابط


العناية بالأسنان

ممحاة الأسنان تساعد على التنظيف بعد الفرشاه خصوصا"مابين اخر الأسنان واللثه
الرابط 

اقراص كاشفة للبلاك تمضغ لثواني ثم تبصق الاسنان الي تحتاج الى اعاده تنظيف سوف تظهر عليها بقع حمراء<ارجعي اغسلي اسنانك كوويس ( :
الرابط

وفي الأخير الي حابة تجرب الشراء من الصيدليات تبدء بالفرنسية اسعارهم جدا" ممتازه وقيمه الشحن لو قسمتيها على كل الطلب يابلاش مقارنه بالصيدلية البرتغالية صراحة اسعار المنتجات فيها دبل الفرنسية ؟؟ افتحو الموقعين وقارنو بنفسكم بين الاسعار ولو كان شحنهم مجاني المنتج هناك اضعاف السعر يطلعو من عيينك قيمه الشحن المجاني هههههههههه ممكن اخذ منهم كم شغله اضطراريه ماتقبل الصيدلية الفرنسية شحنها مثل منتجات فيتشي وحاليا" بيودرما جت بالطريق مع انة قبل كانو يشحنوها واختي اخذت منهم  والله يستر من الجاي اصحاب الميدل ايست صارو يحتكرو الطلب للمنطقة ( : 

وبكذا انتهينا ان شاء الله يكون الموضوع خفيف لطيف..
 

مشترياتي من آيهرب 2

أسعد الله مسائكم بكل خير ..

مثل ماذكرت لكم بالعنوان هذي الطلبيه الثانيه لي من آيهرب وقبل ماابدء نزل لكم صور المنتجات والروابط لاتنسو تستخدمو كود التخفيض لمشترياتكم بقيمه تخفيض 5%

WAG3210

نبدأ مع منتجات الوجة

...

من بيكسي (pixi)

اكثر ماركه انبسطت انها توفرت في ايهرب ( :

 ماسك الطين منظف للمسام

الرابط

تونيك مقشر لطيف للبشره>>ثاني مره اطلبه ناسب بشرتي الحساسه

الربط

سيروم الورد لترطيب البشره

الرابط 

...

 من يوسرين ( Eucerin) 

من اليمين... كريم  ليلي مهدئ ومرطب للبشرات الحساسه (الورديه )  
الرابط

كريم مضاد للخطوط الدقيقه والتجاعيد
الرابط

...

سكين فود ( Skinfood)

قناع بياض البيض لتنظيف المسام 
الرابط 

...


كريمات للعنايه باليد 

من اليمين ...من ديرما اي كريم مضاد للتجاعيد 
الرابط 

لوشن مرطب بالازهار والتوت من ايوس<<صراحه اخذته عشان حجمه صغير وخفيف للشنطه
 الرابط

...


زيوت معصوره على البارد للشعر والبشره 

من اليمين زيت القنب الاسم العلمي له <ومتعارف عليه بزيت الحشيش للشعر
الرابط

زيت اللوز الحلو + فيتامين هـ  ( E)< طلبته لترطيب الجسم وخاصه الايدي 

الرابط 

...

زيت ترطيب للجسم من بالمرز بزبده الكاكاو زهره المسك 

الرابط 

...

العنايه بالعين 

من اليمين قطره اعاده ترطيب العين ومعالجه للجفاف < ترطيب يومي

الرابط

القطره الثانية لعلاج احمرار وتهيج العين معقمهم <استخدامها مؤقت وخاصه وقت الأزمات قبل لبس العدسه وبعد واثناء وكذا  ( :

الرابط

...

مستلزمات المكياج

من اليمين كحل سائل للعين بس اخذت درجه البني حتى استخدمها للحجاب لرسم شعره شعره ):

على فكره هالكحل يقال انها يساعد على تعزيز الرمش واطالته . 

الرابط

قلم كحل للحواجب بدرجه بني داكن

الرابط

...

من ريل تكنيك مجموعه من 5 قطع 
(اسفنجه وحامل لها +فرشاه للماسك+اداه لتدليك العين +ملعقه الخلط)
الرابط 

...

اوراق ازاله لمعان الوجه وامتصاص الزيت تحتوي على 50 ورقه
الرابط

فرشاه بيضاويه من  بدليوم تولز< هالماركه لها مدح كبير في جوده الفرش وهذي اول تجربه لي وصراحه الفرشاه ممتازه وحجمها جميل خاصه لدمج الكونتور
الرابط

...

تنت شفاه من ايلف باللون الوردي
الرابط

...

منوعات غذائية

زبده الفول السوداني مع الشوكلاته 
الرابط 
...

فستق محمص بالملح البحري
الرابط 

فول سوداني مقشر ومحمص ومملح
الرابط 

... 

 للمنزل

منظف اسطح للارضيات باانواعها خشب سيراميك رخام بنكهه الحمضيات< ريحته على ليمون 
الرابط 

قفاز للتنظيف << عاد اخيرا" لقيت مقاس صغير صغيييير سمول مو مديم تلعب يدي فيه ( :
الرابط 


...

اشوفكم على خير بمشتريات جديده ..

منتجات ماناسبتني (ماحبيتها وتجربتي سيئة معها )

السلام عليكم ورحمه الله وبركاته

اسعد الله اوقاتكم بكل خير.. رجعت لكم من بعد غياب بموضوع جديد : ) 

يمكن للمتابعين لي بالسناب سبق وتكلمنا عنه بس كطرح هنا جديد

...

المنتجات الي بتكلم عنها كانت تجربتي لها سيئة بمعنى الكلمه وفي منها الفاشل ومنها ماناسبني قصدت اقسم هالعبارات لان تقييمي للمنتجات كان متفاوت ..

 

اتمنى تاخذو بعين الاعتبار انه كل تقييمي لها كان بتجربه شخصية ممكن البعض يتفق معي وممكن لا شي طبيعي لان الاختلاف وارد 

.

.

نبدا 

فيتامين البيوتين بقوة 10,000

  Biotin 10,000(Natrol)

بما ان الاغلب صار يعرف اهميه هالفيتامين لقوه وصحه الشعر والاظافر والبشره مايحتاج اتعمق بخصائصه بشكل عام وراح اختصر الكلام عن عيوب المنتج الي صارت لي ..سبق وجربت مكمل البيوتين ولكن بقوه اقل ومن شركه ثانيه ..كانت قوه المنتج قبل 5000 وكتبت عنه بالانستقرام بالتفصيل للي يحب يطلع ...شفت منه نتائج حلووه للاظافر والبشره ولانه طمعت بفائده اكبر وللشعر خصوصا" قلت اخذ البيوتين بقوه اكبر من قبل ..حتى تكون النتائج افضل 
ولكن حدث مالم يكن في الحسبان : ( 
جربت المنتج لمده ثلاثه اسابيع وتقريبا" دخلت بالاسبوع الرابع ورسميا" قطعت الفيتامين ..الي صار من اول اسبوع بشرتي انعدمت حب شباب صغير بروؤس حاده بالبدايه حبه وبعدها بيوم حبتين وكل يوم زياده الحبوب في انتشار وكانه دعوى للتكاثر اذا حتى انفي الي مابحياتي طلع فيه حب شباب ماسلم من الوضع صار كل من يشوفني اول شي يسأل ايش فيها بشرتك ؟؟؟ بشرتي من فتره طويله صايره جافه الى مختلطه وحساسه ولي فتره طوووووووويله مااشتكيت من حب الشباب وهالوضع كان جديد على فجااءه الحبوب انتشرت
بتقولو ليش صبرتي كذا اسبوع ..بالبدايه صرت اعرف طبيعه جسمي اغلب الاشياء الي اجربها يكون لجسمي رده فعل عكسي كم يوم وبعدها يتقبل الوضع ويتعوود بس مع هالفيتامين ابدا مافي مجال للمصالحه ...
مع انه عندي كثير جربوها وكاانت ردات الفعل متفاوته بين الي مشى معاهم الوضع عادي واستفادو منها ومنهم من ظهرت لهم الحبوب بشكل موقت واختفت ومنهم كانت التجربة سيئه مثل الي صار لي ..وطبيعه كل جسم تختلف ولانه كثير ينصحو بشرب كميه وفييره من الماء معها وهذا الشي طبقته من ضمن الحلول الاوله حتى اتجنب ظهور حب الشباب ولكن بدون فائده بالاخير صرت اقول قوه البيوتين اكبر من يتحملها جسمي هذا تحليلي لانه بالمقارنه مع وزني عليها يتحدد كم الجرعه المناسبه لي ...هالكلام طبقته من دكتوري تبع الجلديه بفتره كنت اخذ كورس علاج ورسخ هالكلام ببالي ...هههههههههههه لاتسألوني ايش الرابط بينهم ..
بالنسبه لتاثير الحبوب على الاظافر والشعر ..اظافري ماعندي مشكله بطولها تطول عااادي بس كانت تنكسر من اقل جهد سواء مع هالفيتاامين او غيره هالمشكله اقدر اتجاوزها بطلاء مقوى للاظافر ..والشعر لاحظت غير لمعته وحيويته انه طول بشكل اسرع ولو ان تجربتي قصيره معاه بس فعلا شعري هالفتره طول بشكل ملاحظ ماتهنيت بفتره قصه ..وهالنقطه وتاثيرها كانت شي ايجابي بسيط ولو حبيتها بس مشاكل بشرتي طغت على هالميزه .
...

مايونيز للشعر من 
Africa's Best

 

المنتج عباره عن ماسك للشعر للترطيب والتنعيم يحتوى على بروتين البيض وزيت الزيتون واعشباب طبيعيه.. وهالاعشاب تكون واضحه بالمنتج قطع خضراء صغيره ...
الكل يعرف فوائد بروتين البيض لتغذيه الشعر المتضرر وتجديده كثر ماكنت متحمسه للمنتج كنت خايفه تكون ريحه البيض طاغيه اول ماستلمت المنتج فتحته اشم ريحته جد كنت خايفه من هالشي بس طلعت ريحته عاديه مو مزعجة ..
بعد الاستحمام استخدمت المنتج على اطراف شعري الجافه كنت فعلا متحمسه للنتيجه بعد تقريبا 10 دقايق غسلته وانتظرت شعري يجف ...ماحبيته من اول تجربه كان ثقيل على الشعر لدرجه رجعت غسلته من جديد قلت يمكن مانظف زين و رجعنا لنفس النتيجه حسيت الشعر لسى مو نظيف ملبد كانه وسخ مع ان الماسك قوامه مو ثقيل اشبه بالكريم وسهل التوزيع...قلت ماراح احكم عليه من اول مره ..المره الثانيه راح استخدمة بدون بلسم قبل على الشعر ..شامبو بعدها ماسك وخلاص..ورجعنا من جديد لنفس الكلام جد جد شعري كانه وسخ مو نظيف على انه طبيعه شعري مو دهنى حتى يتشكل عليه هالطبقه الا جاف توقعت يستفيد من الماسك بس النتيجه كانت عكسيه ..
...



تونك للشعر بالثوم(سورسير)
SORCLERE

 
  
تونك مقوى للشعر معزز ومحفز للبويصلات يحد من تساقط الشعر ويعيد كثافته المكون المهم والرئيسي فيه الثوم والكل يعرف فوائد الثوم لتساقط الشعر واعاده كثافته ..التونك قوامه مائي ابدا" مافي ريحه ثوم 
في فتره ولضغط نفسي واختبارات مرت على مرحله يدي على طول بشعري اي شعره معطوبه ماخذه كسره على طول قطع اول مره شعره شعرتين وبعدها تطور الوضع ركزت على منطقه كل ماطلع فيها البيبي هير قطعته اتعمد ادور هالشعرات الصغيره وارجع اشيلها اتذكر اختى مرت بهالمرحله وكنت اضحك عليها مو قادره تمنعى نفسك لصحه شعرك عااجبك هالوضع << من عاب ابتلى مر الزمن ومريت بنفس الوضع ...
المهم حسيت انه شعري بهالمنطقه المنزوع منها الشعر مارجع مثل قبل وغير التساقط قلت اجرب هالتونك ...
استمريت عليها مده والي لاحظته فعلا شعري صار اقوى لدرجه اذا حابه اقطع الشعره قاااسيه لدرجه ماتنزع واستوعب انه جالسه اقطعها واصحى على نفسي انه جالسه اعالج الضرر الي سببته لنفسي هههههههههه
نتيجه كانت حلوووه والفرحه ماتمت ...شعري انتشر فيه الشيب بشكل متفاوت بكل مكان كم شعره بيضاء ولانه سبق وقريت تجاارب انه ممكن يسبب شيب بس ماصدقت منتج له ضرر بهالشكل ومازال له صيت لحد ماتضررت منه ..والي اكد لي انه سبب ظهور الشيب كنت اركز بالتونك على المنطقه الي الشعر فيها قليل وبعد فتره هالمكان امتلاء لوحده شيب فوق 10 شيباب كذا لوحده وهذا كله ماطلع بشكل تدريجي كله فجاءه بعد استخدامي لهالتونك ...كنت رااح اكحلها عميتها ): 
...




عطور للشعر من إبراهيم القرشي 
 

اكثر منتجين اخذت فيهم مقلب بحياتي وندمت حتى على الساعه الي فكرت اشتريها فيها ولا الي يضحك انه تعبت الى ان حصلتها وادور بين فروعهم ادور هالثنائي المميز وكانه خيره ماحصلتها بالبدايه بس صدقت كوووومه الاعلانات الي صارت وكانه مافي البلد غيره وقلت هذا من جمال المنتج حتى مره مو موجود كله مخلص ..واخيرا" حصلتها واخذتها بدون لااشم من العينه .قلت خلاص يعني مسك ومسك عود وهذا طلبي روائح معروفه مو اختراع شي جديد ..
قبل نبدا فيها  راح اوضح انه حجم العطر كان 100 مل ..والتعليب للعطر كان بلاستيك


مسك العود

عباره عن خشب منقوع بمويه لفتره وصار عندنا ريحه خشب رطب وكانه مكتوووم ريحه سيئه زياده عليها كانه مع ريحه نشا ذره ايش خص الروائح ببعض ماادري ..ولمسه ابداعيه منهم مقدمه العطر كانه تشمى ريحه عود خفيفه من تبخي من العطر تنصدمي بالريحه وعلى فكره مافي اي ريحه للمسك ابداا مجرد اسم مكتوب 

المسك

عاد هذا الصدمه الكبيره المسك مجرد اسم فعلا وهالعطر كان اسوء بمراحل من مسك العوود شي لايطاق ولايمت للمسك بصله ابدا" لامن قريب ولابعيد ؟؟ الاعلانات عنه كانت تهوييل لدرجه تتنمى بس متى تجربيه ...والصدمه صار همهم تجاري بحت المعلن وصاحب الاعلان .. ولازالو مستمرين باانتاجها ومركزين على الهدف الاعلاني للتسويق لشي فاشل ..كنصيحه لو وفرو شوي لتطوير منتجاتهم افضل لهم ..  ( :
...



عطر خالص المسك 

هالعطر تم تسويقه على اساس انه نسخه من مسك الختام عند عبدالصمد القرشي بس بشكل عطر واكثر ثبات على كلامهم واقل سعر ..ولانه كثير كثييييير احب مسك الختام اتكلم عن التوله الزيتيه فقلت لازم اجرب هالعطر ...العطر مكتوب عليه صنع في الامارات ماعرف اذا يتبع لشركه معينه او لا حجمه كان 100 مل طلبته من الانستقرام بدون لااشمه ثقه عمياء ادري بس كان سعره قليل اظن 70 ريال شي كذا قلت مو خسرانه شي عادي ولانه مدحوه كثير بعد والمقارنات ماوقفت مع مسك الختام ..
اول ماجربت العطر كان فيه ريحه مسك بس ابدا" مو مثل مسك الختام وغير كذا من ارش منه تلتهب عندي الجيوب الانفيه وصداااااااع حاولت اتقبله مره مرتين في عطور تصدع عادي تكون ثقيله بس ترشي منها قبل تطلعي بفتره تكون هدت شوي بس هالعطر زياده على الصداع في كل مره .. تحسست منه خاصه انه مثل ماقلت عندي التهاب بالجيوب الانفيه وهذا الي صار كله بسبب ان العطر نسبه الكحول فيه مرتفعه وهي الي تعطي هالمسك الفوحان والانتشار بس الكميه كانت بزياده وانا شخصيا" ماتقبلتها لهالسبب .
... 




مرطبات من سييرا 
Sierra Bees

نبدا مع مرطب الشفاه الاشهر بموقع ايهرب ... يسار الصوره اخذت المجموعه الملونه تجي 4 سوا

الوانها نيود , بينك , احمر, وردي 

طبعا" النيود بدون لوون والاحمر مو حلوو مره بشع على الشفايف يبقى البينك والوردي شوي اهووون نسيت ماكتبت انها بشيمر تلمع لممع خاصه الاحمر ذرات الشيمر (اللمعه) كبيره وماحبيتها اصلا" مكتوب عليها انها بلمعه بس ماانتبهت والا مااخذتها ماحب المرطب بلمعه وحبات كبيره بعد ..

المرطب يحتوي على شمع العسل وزبده الشيا وزيت الارقان والزيتون بس ترطيبها عاااااادي واقل من عادي مانفعت معاي وماحسيت بهالترطيب الي كل هالمكونات فيه المفروض يكون عالي بس للاسف خفيف ..غير انه بعد فتره تغيرت ريحتها تماما" من جد صارسيئه << خاست ) : 

وهي ماطولت عندي تقريبا" بعد شهرين تغيرت يمكن للجو والحر دور مااعرف 

...

المرطب الثاني 

قوامه شمعي يستخدم كمرهم للكدمات والرضوض <<من فتره انجرحت شفتي السفليه وبقى الاثر معلم لفتره استخدمت هالمرهم كمرطب حتى مايبقى كدمه او اثر 

وترطيبه كان ممتار والنتيجه فعاله حتى بعد مااختفى الجرح جلست استخدمه فتره وحبيته كمرطب للشفايف  من اهم مكوناته شمع النحل زبده الشيا زيت الزيتون وزيت شجره الشاي 

بما انه ممتااز ليش بهالتقرير صنفته ....بااختصار حاله من حال الي قبله بعد فتره تغيرت ريحته وحييل انقهرت عليه العلبه كبيره ومااستخدمت الا شووي مصير هذا للرمي بعد 

...

قناع للوجه بالزبادي والشوفان من فارم هاوس 

Pajama Paste Yogurt,Oat&Honey 

Face Mask 

بما انه متعوده على ماسكات الزبادي الطبيعي بالبيت ..وبما انه ماسكات فاارم هاوس على كلامهم طبيعيه 100% حبيت اجرب هالمنتج بدوون لااقرا كفايه عنه ..قلت خلاص زبادي وعسل شي مفيد للبشره ...بعد ماوزعته حسيت بحرقه بوجهي وقلت عادي اغلب الماسكات تسوي كذا مفعوله يكون اقوى ..اخذ وقته وغسلت وجهي كان الاحمرار قوي وعلى طوول ظهر حب صغير بكل مكان قلت اول استخدام وشي جديد رجعت بعد فتره استخدته نفسي الشي كابرت ووزعته على يدي وبقعت الجلد احمر بكذ مكان نفس الوجه وحب صغير هذا كله كان دليل على تحسس بشرتي وتهيجها منه ..رجعت اقرا بالموقع الرسمي الا مكتوووب ماينفع للبشرات الحساسه وانا بشرتي حساسه وبقوه الغلط هنا كان مني ماقريت زياده عن المنتج ومااحكم على منتجات فارم هاوس وكتبت عن هالماسك لانه بااختصاار ماناسبي لايغركم الاسم مثلي ) : 

...

ايلاينر كات فون دي

Tatto Liner Kat Von D

القلم سهل الاستخدام اخذته باللون الاسود ريشته قاسيه ترسم لك بشكل دقيق خاصه لما تكوني مستعجله هالنوع من الاقلام يخدمك بشكل خطيير يفك ازمه ..عيب هالقلم انه من بعد ثالث استخدام وتحديدا" بدا يقطع تكوني ترسمي الايلاينر وفجاءه يسحب عليك بنص الشغل ارجع اهزه اشطب على يدي كم مره يرجع يطلع اللون واكمل ..ومن بعدها هالحركه لازم وانتي وحظك عين تكمل معاك وعين ينقطع عليك فيها بدل مايكون يسهل المهمه خاصه لما اكون بطلع سريع اتجنب استخدمه هو بالذات مع ان المنتج جديد وفكرت الي عندي فيه عيب مصنعي بس لما بحثت شوي طلع مو بس انا عندي هالمشكله كذا بلوقر اشتكو من هالنقطه تحديدا" انه يجف بنص الرسم ) : 

...


روج من مجموعه كايلي المطفيه بمسمى 
Kylie lipstick 

POSIE K

طلبت روج واحد كتجربه لان كان اخذ وعطى فتره صدور هالارواج انها نفس تركيبه ارواج كلر بوب وماكنت كثير حابتها ... بس قلت اجربها خصوصا ان الالوان كانت تشجع على التجربه وبعد كونها مااات ( مطفيه ) وانا من محبين هالارواج تحديدا" 
درجه الروج نيود روز طلبته مع المحدد تبعه ... بعد التجربه نبدا مع المحدد قومه كريمي يتوزع بسهوله ولونه ممتاز حبيته اكثر من الروج وماعندي مانع ارجع اخذ من المحدداات تبعها اذا انغرمت بلون معين اما الارواج فلاااا اخذت هاله اعلاميه لانها بااسم كايلي والجوده فاشله ...الروج عند توزيعه يبداا ياخذ شكل الخطوط بالشفاه كانه يمتص الرطوبه منها لدرجه يدخل بين الخطوط بشكل مو حلو مع ان المحدد كون قاعده تمنعي هالحركه ...بعدها بفتره يبدا يخف تدريجا" من الزوايا الخارجيه للشفايف عكس باقي الارواج بدل مايخف من الوسط لا هذا اخذ طريق ثاني هههههههههههه حاب يكون مميز 
.... 

وبكذا انتهيت من تقييمي وتجربتي لهالمنتجات وذكرت لكم الاسباب  
ان شاء الله تستفيدو منها ..